ይህ ክፍል ጠቅላላውን የጉባኤ ዝግጅት፣ የስብከት መርሐ–ግብር ስምሪትንና መንፈሳዊ ጉባኤያትን በበላይነት የሚያቀናጅ ዋና ሞተር ክፍል ነው።

1.የስብከት መርሐ–ግብር ማውጣት፦ ሳምንታዊ፣ ወርሃዊና ዓመታዊ የሰንበትና የዓውደ–ዓመት ጉባኤያትን መርሐ ግብር ያዘጋጃል ይመራል።

2.መምህራንንና ዘማርያን መጋበዝና ማሰማራት፦ በተለያዩ ርእሰ ጉዳዮች ላይ ወቅታዊ ትምህርት ሊሰጡ የሚችሉ፣ ተደማጭ የኾኑ፣ በሰብእናቸውና በአገልግሎታቸው በማኅበረሰቡ ዘንድ የተመሰከረላቸውን መምህራን፣ ሊቃውንትና ዘማርያንን ይጋብዛል።

3. የጉባኤ ቦታና ቁሳቁስ ማዘጋጀት፦ ለጉባኤ የሚያስፈልጉ የድምፅ (Sound System) የጽዳት ሥራዎችን ከሚመለከታቸው ክፍሎች ጋር በመሆን ማስተባበር፤ ቀደም ብሎ ተገኝቶ መድረኩንና ወንበሩን በአጠቃላይ የጉባኤውን ቦታ ያዘጋጃል።

4. ለሕዝቡየጉባኤ ጥሪ ማዘጋጀት፦ ታላላቅ ጉባኤያት ከመካሄዳቸው በፊት ለምእመናን ጥሪ ማስተላለፍ፣ በራሪ ወረቀቶችን ፖስተሮችን የማስታወቂያ ቪዲዮችን ያዘጋጃል ያሠራጫል።

5. የሰባክያንና የመምህራን መዝገብ መያዝ፦ የሰባክያንን አድራሻ ይመዘግባል[ በየጊዜው ያስታውሳል። የተጋበዙትን መምህራንን ካሉበት ይቀበላል በተዘጋጀላቸው ማረፊያ ቦታ ያደርሳል አስፈላጊውን እንክብካቤ ያደርጋል፤ አገልገሎታቸውን ሲጨርሱ ይሸኛል።

6. በዕለቱ የሚቀርበውን መርሐ ግብር መንደፍ፦ በጉባኤያቱ የሚቀርቡትን የትምህርት፣ የስብከትና የዝማሬ መርሐ ግብራትን መቼት (ሰዓትና ቦታ)፣ ይዘትና ዓይነት በጥናት ላይ ተመስርቶ ይቀርጻል ይመራል ይቆጣጠራል።

7.የድምፅና የምስል ጥራትን መከታተል፦ የጉባኤው ድምፅ ጥራት ያለውና ለአድማጭ የማይረብሽ መሆኑን መከታተል፣ እንዲሁም ለቪዲዮና ለኦዲዮ ቅጂዎች ምቹ ሁኔታን ይፈጥራል።

8.የበጀትና ወጪ ማቀድ፦ ለጉባኤያት ማካሄጃ (ለምሳሌ ለማስታወቂያ፣ ለጋበዟቸው መምህራን መጓጓዣና ማስተናገጃ) የሚያስፈልገውን በጀት አስቀድሞ ያዘጋጃል።

9. የጉባኤ መገምገሚያ ሥርዓት፦ ከጉባኤያት በኋላ የምእመናንን አስተያየትና ተሳትፎ በመሰብሰብ ለቀጣይ ሥራዎች ማሻሻያ እቅድ ያቀርባል።

10.የአማራጭ መድረኮችን ማዘጋጀት፦ እንደ አመቺነቱና እንደ ሁኔታው ምእመናንን በአካል የሚያሳታፉ (In-person) ወይም በቴክኖሎጂ የታገዙ የቨርችዋል ልዩ ልዩ ጉባኤያትን ያዘጋጃል።

11 ምእመናንን በአገልግሎት ማሳተፍ፦ ኹሉም ምእመን በደብሩ በሚሰጠው አገልግሎት ውስጥ በመማር ሂደት እንዲያልፍ፣ እንደ ጸጋውና እንደ ሙያው ደግሞ በማገልገል የራሱን ሱታፌ እንዲያበረክት ያደራጃል ማስተናገጃ መንገድ ይፈጥራል።