መንፈሳዊ አገልግሎት

ቤተ ክርስቲያኗ የምትሰጠው መንፈሳዊና ማሕበራዊ አገልግሎትም በተመሳሳይ መልኩ እያደገ መጥቶ በሦስት አገልጋዮች የተጀመረው የቤተ ክርስቲያኗ አገልግሎት ዛሬ ከ20 በላይ ካህናትና ሊቃውንት ያገለግሉባታል። በቁጥር 50 ያህል ሆነው የጀመሯት ምዕመናን ዛሬ እጅግ በዝተው ይገኛሉ ። የመንፈሳዊ አገልግሎቱ ሰፍቶ በዕለተ ሰንበት ብቻ የነበረው የቅዳሴ አገልግሎት ዛሬ በየወሩ የእመቤታችን ፤ የጻድቁ ተክለ ሃይማኖት ፤ የቅዱስ ጊዮርጊስ ፤ ዓመታዊ የንግሥ በዓላት፤ በዓቢይ ጾም እሑድ ሳይቆጠር ዓርብ እና ቅዳሜን፤ ጾመ ፍልሰታን 16 ቀን የቅዳሴ አግልግሎት ይሰጣል።

በዓመት ሰባት የንግሥ በዓላት በማኅሌት ታጅበው በደመቀ ሁኔታ ይከበራሉ። ዓበይት በዓላትም እንዲሁ። በየሳምነቱ ከ5 -10 የሚደርሱ ሕጻናት ሀብተ ውልድና ስም ክርስትና ይቀበላሉ።

ስብከተ ወንጌል

በመደበኛ ረቡዕ እና ዓርብ ፤ እሑድ እና በየወሩ የእመቤታችን ፤ የጻድቁ ተክለ ሃይማኖት ፤ የቅዱስ ጊዮርጊስ ፤ ዓመታዊ የንግሥ በዓላት፤ በዓቢይ ጾም ፤ ጾመ ፍልሰታን 16 ቀን  የውዳሴ ማርያም እና ቅዳሴ ማርያም ትርጓሜ አግልግሎት ይሰጣል በስሙነ ሕማማት የኪዳን እና የትምህርተ ኅቡዓት ትርጓሜ አገልግሎት ይሰጣል። በተጨማሪም ዘመን በወለደው ቴክኖሎጂ በመታገዝ በየቤታቸው ሆነው ተከታትይ ትምህርት በደብሩ ስብከተ ወንጌል ኃላፊ እና ሌሎችም መምህራንን በመጋበዝ እየተሰጠ ይገኛል።

የምክረ ካህን አገልግሎት

ካህናት አባቶች ለማነጋገር በየቀኑ ??የሚገኙ አንድ ካህን በቋሚነት ቢሮ የሚውሉ ሲሆን ሌሎች ካህናት ከንስሐ ልጆቻቸው ጋር በሚመቻቸው ሰዓት ቀጠሮ በመያዝ አስተዳደር ጽ/ቤት በሚያዘጋጅላቸው ቢሮ ውስጥ ውይይት ያደርጋሉ ።

የአስተዳደር ጽ/ቤቱ

ጉዳይ ለማስፈጸም አስተዳደር ቢሮ መምጣት ለሚፈልጉ ቤተ ክርስቲያኗ በሳምንት ሰባት ቀናት ክፍት ስትሆን ከመንፈሳዊ አገልግሎት ጋር በተያያዘ የሚፈጸሙ ክፍያዎችን ፤ በርካታ መንፈሳዊ እና ማኅበራዊ አገልግሎቶች ለሚፈልጉ ምዕመናን በተሟላ መልክ እንዲያገኙ ሆኖ የተዋቀረ አስተዳደር ያላት ደብር ናት፡፡

የቤተ ክርስቲያኗን የውስጥ አሠራር የአመራር ሠንሰለት አሥራ ስድስት የሚደርሱ በልዩ ልዩ የሥራ ድርሻ የተዋቅሩ ንዑሳን ኮሚቴ ያላት ሲሆን እያንዳንዳቸው ተጠሪነታቸው ለደብሩ አስተዳደር የሆነ የራሳቸው የውስጥ መመሪያ የተዘጋጀላቸው 5 እና ከዛ በላይ እንዳስፈላጊነቱ በኮሚቴ ተዋቅረው በ2 ዓመት የምርጫ ዘመን እየተቀያየሩ የሚያጋለግሏት የተደራጀች ደብር ናት ።

ይህ ሁሉ ፍሬ በእግዚአብሔር ፈቃድ፣ በእመቤታችን በቅድስት ድንግል ማርያም አማላጅነት፣ በካህናትና በምዕመናን ጸሎት እስካሁኗ ሰዓት ስላደርሰን ደግሞ የቤተ ክርስቲያናችን የአዲሱን ሕንጻ ቤተ ክርስቲያን ለመገንባት የዲዛይን እና ስትራክቸር ጥናት ለመጀመር ከሚመለከታቸው ክፍሎች ጋር ተቀናጅተን በመሥራት ላይ ስንሆን ከልሂቅ እስከ ደቂቅ በመንፈስ ቅዱስ ኃይል በመታገዝ ኃይላችንን አንድ በማድረግ ለውጥ የሚታይበት ሥራ ለማሳየት በመፋጠን ላይ እንገኛለን ።

የርእሰ አድባራት ደብረ ሰላም ቅድስት ማርያም ቤተ ክርስቲያን “አስቀድሞ አብ መሠረታት፣ ወልድ ገነባት፣ መንፈስ ቅዱስ ፈጸማት“  የተባለላት በሰዎች እና በእግዚአብሔር መካከል ያለውን መልካም ግንኙነት የኢትዮጵያ ኦርቶዶክስ ተዋሕዶ ቤተ ክርስቲያንን ዶግማ እና ቀናና አክብራ እና አቅጣጫዋን ጠብቃ በሥርዓት ወደ ክፍታ እየተጓዘች ያለች ታላቅ ደብር ስለሆነች የሁላችሁም ጸሎት እና ልመና ዘወትር እንዲያግዘን  የመንፈስ ቅዱስ ኃይል ከሁላችን ጋር ይሁን፤ ችርነቱ ወሰን የሌለው አምላክ ይርዳን አሜን ።

ወስብሐት ለእግዚአብሔር።